""*""جرح عاد ورحل""*"&quo

السلام عليكم ورحمة الله وبركاته
حبيت أنزل وحدة من كتاباتي وياليت ألقى فيها رايكم بصراحة


*
*
*
*
*
*
*


إحترق فرح عمري لين أصبح كالرماد

وبالرماد جلست أفتــش لي عن معاني

ما لقيت شي يُزرع لأجل أبدأ بالحصاد

كل شي ضاع وتناثر وتبدد في مكاني

صرت أعيش مع أحلامي فترة حداد

من توفت في حياتي أطياف ذيك الأماني

واختفت إشراقه النور بدنيتي وإمتلت بالسواد

واختفى ذاك الحلم وتلاشى في عدة ثواني

و رد لي جرح ٍ قديم بعد ما كان مُباد

و رد يسيطر عالفكر والروح وعالكياني

ما لقيت منهو يطهره ويحط الضماد

ويزيل عني وحدةٍ جابت لي الجنان ِ

وإستمر الحال مثل ما هو شهورٍ عداد

وانتهى بعد معرفتي باللي إحتواني

شخص ما مثله أحد من بين كل العباد

ولو بحثت ما لقيت مثله شخص ثاني

منفرد في صفاته وأصبح لقلبي المراد

حيل أبي قربـه لأنـه بـحبه حـماني

ما أطيق غياب صوته عني أو حتى البعاد

وحده اللي عن الهم وجروحي ألهاني

صار في قلبي مثل مسكن في وسط البلاد

وصار حبه مثل وادي وقت شوقي رواني

ساهرة دايم أفكر به من حرمني الرقاد

ذاك اللي عن باقي الخلايق أعماني

يحفظه ربي ويطول بعمره سنين مداد

ويرعاه دايـم لي مثل ما هـو رعاني